Надвор'е ў Беларусі 9 мая будзе не зусім святочным

Якім будзе надвор'е ў святочны дзень 9 Мая, паведамляе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Аб'яўлена штармавое папярэджанне аб небяспечнай гідраметэаралагічнай з'яве. Уначы на большай частцы тэрыторыі краіны чакаюцца замаразкі ад 0 да мінус 5 градусаў.

Уначы прагназуецца пераменная воблачнасць, пераважна без ападкаў. Раніцай і днём будзе воблачна з праясненнямі, месцамі пройдуць невялікія кароткачасовыя ападкі (дождж, магчымы мокры снег). Вецер паўночна-заходні, уначы слабы, днём 4-9 м/с.

Замаразкі ўначы чакаюцца на большай частцы тэрыторыі, месцамі мінімальная тэмпература паветра складзе  плюс 1-4 градусы. Максімальная тэмпература паветра днём - 8-14 градусаў вышэй за нуль.