Не стала свяшчэнніка Іаана Харашэвіча

Сёння не стала аднаго з найстарэйшых свяшчэннікаў Беларусі - протаіерэя Іаана Харашэвіча. Яму было 87 гадоў. Больш за 60 з іх ён служыў царкве. У студзені гэтага года Іаан Харашэвіч за сваё пастырскае служэнне атрымаў прэмію "За духоўнае адраджэнне". Больш як 25 гадоў свяшчэннік з'яўляўся настаяцелем прыхода храма Марыі Магдаліны ў Мінску. Менавіта з гэтага храма пачалося духоўнае адраджэнне Беларусі.