Новая экасцежка з'явілася ў Мінску

Новую экасцежку да Дня аховы навакольнага асяроддзя адкрылі ў Заводскім раёне сталіцы. Маршрут назвалі "Царства жоўтагаловага каралька" ў гонар самай маленькай птушкі Еўразіі. У Мінску яна сустракаецца менавіта ў лесапарку "Ангарская-2". Выявілі крылатых вучні 141-й сярэдняй школы. Яны і распрацавалі праект экалагічнай сцежкі. Працягласць 700 метраў. Маршрут добраўпарадкавалі: усталявалі дзіцячыя гульнявыя пляцоўкі і месцы для камфортнага адпачынку, з'явіліся таксама пазнавальныя інтэрактыўныя стэнды.

Акрамя знаёмства з флорай і фаўнай лесапарку, правялі экскурсію па першым ў горадзе рэсурсным цэнтры "Зялёныя класы беларускай сталіцы". Заняткі там наведваюць 120 дзяцей. Усяго ж у Мінску зараз 1800 "зялёнакласнікаў" з 16 школ.

Хутка ў сталіцы з'явіцца яшчэ адна экасцежка ў раёне вуліцы Геалагічнай і завулка Солтыса. Працягласць ляснога царства больш за 800 метраў. Маршрут будзе інклюзіўны. Адкрыццё запланавана на 1 верасня.