Навабранцы прынялі прысягу на вернасць Радзіме

Маладое папаўненне - ва ўзброеных сілах Беларусі. Сёння навабранцы прынялі прысягу на вернасць Радзіме.

Сёлета - 4 з паловай тысячы байцоў тэрміновай службы і 200 службы ў рэзерве. Паводле традыцыі, самай маштабнай стала прысяга ў 72-м аб'яднаным навучальным цэнтры. Тут клятву вымавілі больш як паўтары тысячы салдат. Прайшоў курс маладога байца, наперадзе - засваенне ваеннай прафесіі. У будучыні з гвардзейскага цэнтра ў Пячах - ужо спецыялісты - адправяцца служыць у часці па ўсёй краіне. Ваенную прысягу пад Барысавам прыняў міністр абароны краіны. Андрэй Раўкоў адзначыў, што шмат у чым сучасная армія абапіраецца на цяперашнія тэндэнцыі.

72-і аб'яднаны навучальны цэнтр зведаў сур'ёзныя змяненні. У казармах усталяваныя камеры відэаназірання, у цэлым палепшаная матэрыяльна-тэхнічная база. Акрамя таго, у цэнтры пашыраны штат псіхолагаў.