Новыя калекцыі да навучальнага года: у трэндзе натуральныя тканіны і свабодны крой

Да сустрэчы са школай бацькі разам з дзецьмі актыўна падбіраюць гардэроб. Сарафаны ў клетку, сукенкі з баскай і блузкі з карункамі - швейныя прадпрыемствы прапануюць шырокі асартымент.

Спецыяльна да асенняга сезона распрацавалі новыя калекцыі. У трэндзе натуральныя тканіны і свабодны крой. У месцы, дзе нараджаецца мода, пабывала Алена Вітко.

Светла-блакітны і бірузовы колеры, ліловы і аметыставы. Здаецца, тут сабралі палітру з усімі магчымымі адценнямі. Трынаццаць тон тэставага матэрыялу для будучых калекцый адзення, у тым ліку і для школьнай формы.

Менавіта тут, у эксперыментальнай лабараторыі, і нараджаюцца ўзорныя экзэмпляры для масавай вытворчасці. Спачатку эскізы адпрацоўваюць, прымяраюць на мадэлі, пры неабходнасці мяняюць некаторыя элементы. У выніку творчага працэсу з’яўляецца эталонны варыянт. Яго і перадаюць у швейны цэх.

Толькі ў гэтым працуюць паўтары сотні швачак. Тут, напрыклад, злучаюць дзве дэталі трыкатажнага вырабу. З аперацыяй Ірына Вышадка спраўляецца ўмела. За змену праз яе рукі праходзяць да 15 тысяч штук адзення. Дарэчы, на прадпрыемстве ў Жодзіне жанчына працуе больш за 20 гадоў. У яе адзіны запіс у працоўнай кніжцы.

Толькі тут да новага навучальнага года выпусцілі звыш трох з паловай дзясяткаў мадэляў для дзяцей. Адпавядаць класічнаму дрэс-коду і пры гэтым сабраць модны вобраз будзе проста. Усе элементы капсульнай калекцыі можна міксаваць.

Асаблівую ўвагу надалі разнастайнасці адзення для хлопчыкаў і спартыўнай форме. Вырабляюць яе у тым ліку з разумных нітак, якія "дыхаюць" і не прапускаюць ваду. Усяго да навучальнага сезона распрацавалі больш за 10 касцюмаў.

Зараз на прылаўкі беларускіх магазінаў паступіла больш за 70 тысяч вырабаў з гэтай школьнай калекцыі. У цэлым жа попыт на камфортную форму для вучобы ёсць і з-за мяжы. Сярод асноўных заказчыкаў - Расія.