Новыя трамваі для сталічнага парка

Закупка новых трамваяў для мінскага парка пасажырскага транспарту ў планах сталіцы на наступны год. Пра абнаўленне пасажырскай тэхнікі гаварылі падчас сустрэчы працоўнага калектыву парка з першым намеснікам старшыні Мінгарвыканкама Надзеяй Лазарэвіч. Адно з пытанняў - павелічэнне колькасці транспарту з нізкай падлогай ў сталіцы. Ён запатрабаваны. Такія трамваі камфортныя, зручныя і бяспечныя для ўсіх катэгорый насельніцтва. Асабліва для мам з каляскамі і людзей сталага ўзросту. Штодзень у сталіцы на лінію выходзяць звыш 130 трамваяў, працуюць восем гарадскіх маршрутаў.

Што да развіцця падземнага транспарту, то да канца 2024 года ў Мінску плануюць адкрыць яшчэ тры станцыі метро Зялёналужскай веткі. Праведзены тэндар на закупку 12 новых вагонаў. Іх паставіць расійская кампанія.