Да Дня горада ў Мінску прэзентавалі новы цэнтр абслугоўвання "Мінгаз"

Хутка і якасна. Паслугі па забеспячэнні газам для жыхароў сталіцы выйшлі на новы ўзровень. Сёння ў Мінску адкрылі цэнтр абслугоўвання "Мінгаз". Будынак па адрасе Броўкі, 3 - гістарычны. Пасля рэканструкцыі і мадэрнізацыі тут з'явіліся новыя працоўныя месцы і вялікі кол-цэнтр.

Гэты аб'ект - падарунак да Дня горада. Яго перавагі ацанілі высокія госці - міністр энергетыкі і мэр сталіцы. Штодзень праз цэнтр будуць праходзіць 250 чалавек.

Прэзентавалі сёння і новыя мабільныя офісы, а таксама электрамабіль для сталіцы і Мінскага раёна.