Атрад спецпрызначэння "ЗУБР" МНС адзначае 30-годдзе

На тэрыторыі Расіі праходзяць вучэнні Корпуса сіл СНД

Свае лепшыя якасці, адвагу і прафесіяналізм байцы атрада спецпрызначэння гэтымі днямі дэманструюць на вучэннях Корпуса сіл СНД у падмаскоўным Нагінску. Пошукава-выратавальныя атрады надзвычайных ведамстваў Беларусі, Расіі, Казахстана і Узбекістана адпрацоўваюць прыёмы ў выпадку буйнога надзвычайнага здарэння. Тут жа, на базе Нагінскага цэнтра МНС Расіі, ратавальнікі трох краін вучацца працаваць у звязцы, у адным баявым лагеры, з адным цэнтрам каардынацыі. Напрыклад, наша пошукавая каманда атрада спецпрызначэння "ЗУБР" са службовымі сабакамі ў зоне ўмоўнай надзвычайнай сітуацыі выконвала задачы па пошуку і дэблакіроўцы пацярпелых з-пад завалаў. Беларускія спецыялісты падчас гэтага прыёму задзейнічалі ў тым ліку альпінісцкі рыштунак і абсталяванне для працы з вышыні.