Падарункам Жлобіну ад "Марафона адзінства" стаў мурал "Будучыня Беларусі ў тваіх руках"

"Марафон адзінства" працягвае шэсце па гарадах Беларусі. Жлобін другі дзень прымае Рэспубліканскую грамадска-культурную акцыю.

"Будучыня Беларусі ў тваіх руках" - менавіта так называецца падарунак ад "Марафона адзінства" для горада! Арт-аб'ект зараз упрыгожвае адну са сцен жылога дома на вул. Войкава. На ім адлюстраваны тры далоні - мужчынская, жаночая і дзіцячая, якія трымаюць контур краіны. Карціна глыбока сімвалічная, бо будучыня краіны, і праўда, у руках кожнага з нас.

Своеасаблівым элементам кампазіцыі сталі туі, якія пасадзілі насупраць дома. Нараўне з кіраўніцтвам горада ў пасадцы дрэў удзельнічалі і байцы студатрадаў.

Наступны пункт на маршруце - адукацыйны. Прама ў сценах чыгуначнага вакзала ўсё гатова да сустрэчы з дзяржаўнымі дзеячамі, артыстамі, а таксама журналістамі. Тэмы адкрытага дыялогу: "Як ствараюцца навіны", "Дзе праўда, а дзе хлусня" і "Як штампуюць фейкі".

70 прадметных экспанатаў, дзясяткі архіўных фатаграфій і дакументаў возьмуць за душу кожнага наведвальніка перасоўнага музея Вялікай Айчыннай вайны. Тут можна прасякнуцца гераічнасцю абаронцаў Брэсцкай крэпасці і апалчэнцаў, якія да апошняга не здаюць свае гарады. Да самага вечара экспазіцыя будзе працаваць на пляцоўцы перад Лядовым палацам.

Ля згаданага Лядовага палаца на кампактнай тэрыторыі ёсць шмат актыўнасцяў. Там зусім хутка пройдзе гарадскі квэст. На фуд-корце - пачастункі з усіх рэгіёнаў Беларусі.

Фота: БЕЛТА