Пенсіі ў жніўні выплацяць датэрмінова

Пенсіянеры ў жніўні могуць разлічваць на выплаты пенсій датэрмінова. У Мінпрацы растлумачылі гэта рашэнне стварэннем зручных умоў для пажылых людзей - скарачэннем сацыяльных кантактаў, мінімізацыяй паездак. У гэтым месяцы пенсіі, якія прыпадаюць на 10 жніўня і пазней, можна атрымаць ужо з 3 жніўня на пошце і праз даставачныя прадпрыемствы, а з 5-га - праз банкі. Пры гэтым можна выбраць альбо датэрміновы варыянт, альбо звыклы людзям час. Нагадаем, з 1 ліпеня ўказам Прэзідэнта ў краіне павысілі ўсе працоўныя пенсіі. А з 1 жніўня - сацыяльныя пенсіі, надбаўкі і даплаты пенсіянерам старэйшых узростаў у сувязі са зменай бюджэту пражытачнага мінімуму.