Першыя рэпетыцыі канкурсантаў эстраднай песні - Віцебск жыве атмасферай "Славянскага базару"

Да ўрачыстай цырымоніі адкрыцця галоўнага музычнага брэнда Беларусі - "Славянскага базару" - менш як суткі. І сёння адбылася першая рэпетыцыя канкурсантаў "Віцебск-2021". Усе прадстаўнікі з 15 краін свету ўжо пераадолелі закрытыямежы, некаторыя прыехалі літаральна некалькі гадзін таму, напрыклад, Украіна. Наогул жа геаграфія ўдзельнікаў - ад Расіі да Кубы, ад Казахстана да Эквадора. Гэтай раніцай яны не толькі пачулі новыя аранжыроўкі сваіх конкурсных кампазіцый, але і праспявалі з Прэзідэнцкім аркестрам Беларусі, бо праз некалькі дзён ім у тандэме выконваць славянскі хіт.

Пакуль усе вакалісты застаюцца ў сталіцы. Заўтра ў іх яшчэ адзін ранішні прагон, пасля чаго ўсе дэлегацыі адправяцца ў Віцебск. Свае версіі сусветных хітоў канкурсанты выканаюць ужо ў суботу, а славянскія шлягеры прагучаць на закрыцці фестывалю 18ліпеня.