Першыя выпадкі стыхійных узгаранняў сухой расліннасці фіксуюць ратавальнікі Мінскай вобласці

Так, у Старадарожскім раёне пажарным прыйшлося выратоўваць з агню мужчыну, які спальваў каля дома смецце, сухую траву і зламаныя сукі дрэў. Такое ж надзвычайнае здарэнне і ў Пухавіцкім раёне. Там жанчына з-за неакуратнага абыходжання з агнём на вуліцы атрымала сур'ёзныя апёкі і трапіла ў бальніцу. Каб прадухіліць такія наступствы веснавых палаў, ратавальнікі папярэджваюць пра небяспеку стыхійных узгаранняў у прыватным сектары і бескантрольнага распаўсюджвання полымя. Супрацоўнікі МНС таксама нагадваюць правілы навядзення парадку на прысядзібным участку.

Усяго з пачатку года ратавальнікі цэнтральнага рэгіёна выязджалі на ўзгаранне сухой расліннасці 160 разоў. МНС папярэджвае: падпальваць траву і пажніўныя рэшткі за межамі сваіх участкаў строга забаронена.