Першы ў краіне электраквартал будуюць пад Мінскам
Аўтар:Рэдакцыя news.by
Не спыняецца развіццё і гарадоў-спадарожнікаў! Цэлы электраквартал ужо хутка з'явіцца пад Мінскам. Пляцоўкай для пілотнага праекта сталі Смалявічы. У Паўночна-заходнім раёне кіпіць праца будаўнічых брыгад. Там узводзяць больш за два дзясяткі дамоў, у якіх для ацяплення, падагрэву вады і прыгатавання ежы будзе выкарыстоўвацца выключна электраэнергія. На плошчы ў тры гектары будуюць 2 тысячы кватэр. Першы дом здадуць ужо ў жніўні, гэта будзе пяціпавярховік. Аб'ект ужо на стадыі пуска-наладкі.
У цэлым у краіне да канца года пабудуюць 135 тысяч квадратных метраў электражылля - гэта ў 10 разоў больш, чым летась. Амаль траціна прыпадае на Мінскую вобласць.