Петрышэнка заклікаў усебакова развіваць і выхоўваць дзяцей у духу патрыятызму

Усебакова развіваць і выхоўваць дзяцей у духу патрыятызму - дэталёвы аналіз работы па гэтай лініі сёння ацанілі ў беларускім урадзе. Намеснік прэм'ер-міністра Ігар Петрышэнка правёў пасяджэнне Нацыянальнай камісіі па правах дзіцяці.

У краіне зараз дзейнічаюць два дзясяткі ваенна-патрыятычных клубаў у сістэме МУС і прыкладна столькі ж па лініі Міністэрства абароны. У іх хлопчыкі і дзяўчынкі ў тым ліку вывучаюць гістарычныя факты. "Важна не толькі даваць моладзі веды, але і выхоўваць годнымі грамадзянамі, вучыць любіць Радзіму", - падкрэсліў віцэ-прэм'ер.

Сістэмны падыход і новыя методыкі сёння выпрацоўваюцца і па рабоце з дзецьмі з асаблівасцямі псіхафізічнага развіцця. Комплекс мер і правіл, якія будуць дзейнічаць надалей, ужо прапісаны. Напрамак будзе актывізаваць абноўлены састаў Нацыянальнай камісіі па правах дзіцяці.