Пляцоўка для гульні ў петанк адкрылася ля будынка Белтэлерадыёкампаніі

Від спорту, які мае вялікія алімпійскія перспектывы і часта становіцца відам карпаратыўнага адпачынку: петанк, які мае яркі французскі каларыт, усё больш становіцца папулярным у беларусаў. І менавіта сёння каля галоўнага будынка Белтэлерадыёкампаніі афіцыйна адкрылася пляцоўка для гульні ў гэты непрадказальны від спорту. А каманды медыяхолдынга і Федэрацыі петанка і бочы правялі выставачны матч. Сутнасць гульні ў тым, што гульцы дзвюх каманд на пляцоўцы па чарзе кідаюць металічныя шары, імкнучыся як мага бліжэй палажыць свой шар побач з маленькім драўляным шарам - кашанетам.

Ужо не першы год ходзяць размовы аб уключэнні петанка ў алімпійскую праграму, аднак пакуль выйграць канкурэнцыю ў іншых відаў спорту няпроста. Але менавіта для гэтых мэт у 1985 годзе была створана міжнародная федэрацыя віду спорту.