Мінабароны Беларусі зрабіла заяву па факце падзення ўкраінскай ракеты С-300

Па факце інцыдэнту ў Іванаўскім раёне Міністэрства абароны Рэспублікі Беларусь інфармуе, што сёння каля 10 гадзін сіламі войскаў супрацьпаветранай абароны была збіта паветраная цэль, паведамляе прэс-служба ваеннага ведамства.

Абломкі знойдзены на сельскагаспадарчым полі ў раёне вёскі Гарбаха Іванаўскага раёна Брэсцкай вобласці.

Падчас праверачных мерапрыемстваў папярэдне высветлена, што абломкі належаць зенітнай кіруемай ракеце С-300, выпушчанай з тэрыторыі Украіны.

Падрабязныя дэталі здарэння ваеннае ведамства паведаміць у найбліжэйшы час.