З нагоды Дня Незалежнасці ў Мінску віншуюць ветэранаў - удзельнікаў бітваў Вялікай Айчыннай вайны

Віншаванні з нагоды Дня Незалежнасці ў гэтыя дні прымаюць ветэраны - удзельнікі бітваў Вялікай Айчыннай вайны. З пачуццём асаблівай удзячнасці і павагі прадстаўнікі адміністрацыі Першамайскага раёна сталіцы наведалі Уладзіміра Савельева. Вайну ён сустрэў на Далёкім Усходзе, удзельнічаў у баях, быў паранены. Пасля перамогі з жонкай пераехаў у Мінск. Госці завіталі да абаронцы Айчыны з кветкамі і падарункамі, тым самым выказалі падзяку за мірнае неба над галавой.

У Мінску пражываюць крыху больш за 500 ветэранаў і ўдзельнікаў Вялікай Айчыннай вайны. Да ўшанаванняў герояў актыўна далучаецца моладзь, прадстаўнікі дабрачынных і сацыяльных арганізацый.