Падарыць цуд і прыемныя падарункі - аўтапрабег праедзе па цэнтральным рэгіёне

Рэгіянальны дабрачынны праект стартаваў ў Мінскай вобласці. За чатыры дні аўтапрабег наведае райцэнтры цэнтральнага рэгіёна, ён ужо пабываў у Смалявічах, Крупках, Жодзіне і Барысаве. Дэлегацыя дабрачынцаў, што прывозіць радасць у дзіцячыя сацыяльныя прытулкі, дамы сямейнага тыпу і прыёмныя сем'і, - гэта прадстаўнікі буйных арганізацый і прадпрыемстваў вобласці, мясцовых раённых улад, прафсаюзаў, грамадскіх і маладзёжных аб'яднанняў. Дарослыя самых розных прафесій аб'ядналіся, каб падарыць цуд, добры настрой і ўручыць прыемныя падарункі.

Прымалі навагоднія віншаванні ад удзельнікаў акцыі і тры сястрычкі - прыёмныя дзеці сям'і Лявонавых з Барысава. Дзяўчынкі атрымалі ласункі, канцылярскія прылады і цацкі ад Дзеда Мароза і Снягуркі.