Польскія вайскоўцы абстралялі беларускі КПП "Пясчатка"

Польскія сілавікі абстралялі беларускі пункт пропуску "Пясчатка". Гэта адбылося ў ноч з 10 на 11 красавіка. Таксама вайскоўцы спрабавалі асляпіць беларускіх пагранічнікаў страбаскопамі. Незаконныя дзеянні сумежнага боку зафіксаваны камерамі відэаназірання. Падчас праверкі тэрыторыі беларускі пагранічны нарад выявіў пашкоджанні сцен пагранічных модуляў, а таксама металічныя шарыкі. Раней падобным спосабам з тэрыторыі Польшчы быў абстраляны беларускі пагранічны слуп. Аб інцыдэнце праінфармаваны польскі бок.