Пазнавальныя экскурсіі для сталічных школьнікаў у кіналагічным цэнтры пад Мінскам

Паспрабаваць сябе ў ролі дрэсіроўшчыка і даведацца, якім прафесіям вучаць чатырохногіх. Пазнавальныя экскурсіі для сталічных школьнікаў ладзяць у кіналагічным цэнтры пад Мінскам. Вучні знаёмяцца з рознымі пародамі сабак і асаблівасцямі іх працы разам з прадстаўнікамі розных службаў. Падчас паказальных выступленняў чатырохногія дэманструюць сваё майстэрства – напрыклад, як шукаюць людзей або розныя прадметы.

Такія экскурсіі ладзяць на працягу ўсяго навучальнага года. Старшакласнікам яны нярэдка дапамагаюць вызначыцца з будучай прафесіяй.