Пра надвор’е

Заўтра магнітных бур на тэрыторыі нашай краіны не прагназуецца. Геамагнітны фон ад спакойнага да слабаўзбуранага.

Некалькі народных прыкмет: аблокі з'яўляюцца камякамі - дождж будзе нядоўгім; калі гром прагрымеў у гэты дзень - зіма наступіць яшчэ не хутка; шмат рабіны ўрадзілася - да мокрай восені і суровай зімы.

Зараз пра надвор'е на найбліжэйшы час, але спачатку крыху цікавай інфармацыі з гісторыі метэаназіранняў на 9 верасня. Самая халодная ноч была ў Васілевічах ў 1896 годзе - больш за 1 градус марозу, а самы цёплы дзень таксама ў Васілевічах у 1944-м - тэрмометры паказалі амаль 32 градусы цяпла.