Прэзідэнт даручыў удыхнуць жыццё ў пацярпелыя ад ЧАЭС рэгіёны

Удыхнуць жыццё ў пацярпелыя ад чарнобыльскай аварыі рэгіёны.Дадатковыя даручэнні па добраўпарадкаванні і развіцці тэрыторый ураду і мясцовым уладам даў Прэзідэнт Аляксандр Лукашэнка. Задачы расстаўлены па выніках вялікага чарнобыльскага тура. У красавіцкія дні маршрут прэзідэнцкіх камандзіровак традыцыйны ўжо шмат гадоў - раёны, якія закранула тэхнагенная катастрофа. Зроблена за дзесяцігоддзі многа, спыняцца нельга, ды і навошта - людзі сталі вяртацца на сваю малую радзіму. Наступны крок - стварэнне новых рабочых месцаў, будаўніцтва жылля. Выпрацаваць новую комплексную праграму адраджэння зямель на пяць гадоў неабходна да верасня.

Прэзідэнт заклікаў беларусаў беражліва захоўваць памяць аб ліквідатарах аварыі на ЧАЭС. У памяць аб тых, хто ахвяраваў сабой у імя жыцця 35 год таму - новая алея. Аляксандр Лукашэнка прыняў удзел у яе закладцы. 35 клёнаў сімвалізуюць 35 гадоў са дня катастрофы. Там жа ўстаноўлены і памятны знак.