Прызёрамі міжнароднай канферэнцыі ў Маскве сталі школьніцы Мінскай вобласці

Дыпломы заваяваны за даследаванні ў мовазнаўстве. Старшакласніца салігорскай школы Анастасія Серада аналізавала літаратурных героеў праз іх адносіны да гастранамічных пераваг. А вучаніца сноўскай школы з Нясвіжскага раёна Віталіна Віннік адсачыла, як часта і ў якой інтэрпрэтацыі ў сучасных публіцыстычных тэкстах сустракаюцца словы "займальны" і "занимательный". Даследаванне яна праводзіла пад кіраўніцтвам сваёй матулі і адначасова настаўніцы.

У сноўскай школе на павышаным узроўні вывучаюць рускую, беларускую і англійскую мовы. У наступным годзе тут адкрыюць педгрупы - пераважная большасць выпускнікоў паступаюць затым у педагагічны ўніверсітэт.