Праект Канстытуцыі Беларусі абмяркоўваюць работнікі лясной гаспадаркі

Умацаванне інстытута сям'і і наданне канстытуцыйнага статусу Усебеларускаму народнаму сходу. У Старых Дарогах абмяркоўвалі абнаўленне Канстытуцыі краіны. Удзел у сустрэчы прынялі прадстаўнікі лясной гаспадаркі. Кіраўнікі аддзелаў, інжынеры і рабочыя падчас дыскусіі надалі асаблівую ўвагу і захаванню гістарычнай памяці аб Вялікай Айчыннай вайне.

Працягваюць працаваць грамадскія прыёмныя. Яны дзейнічаюць у Мінску і ва ўсіх раёнах вобласці. Там можна атрымаць інфармацыю, а таксама пакінуць свае прапановы па пытаннях, звязаных з праектам галоўнага закона краіны.