Прагнозы на ўраджай у анамальна спякотнае лета ў Беларусі

У кантэксце глабальнага пацяплення мяняецца і агракліматычная карта нашай краіны. Ад наяўнасці ці адсутнасці ападкаў залежыць час паспявання сельгаскультур. Некаторыя ўчасткі палёў з яравымі (пераважна - на поўдні) аграрыі тэрмінова абмалочваюць, каб не згубіць ураджай.

Але ёсць і перавагі такога анамальна гарачага лета - чакаем добрага ўраджаю не тыповых для нашых шырот культур! На палях і плантацыях актыўна растуць засухаўстойлівыя дыні і кавуны. У іх значна паскорыўся працэс паспявання. За ўсімі змяненнямі надвор'я і яго ўплыву на ўраджай сочаць і фіксуюць агракліматолагі. Прагнозы сабрала Таццяна Бажко.

Загадчык лабараторыі Рэспубліканскага інстытута агародніцтва Мечыслаў Сцяпура рыхтуецца да багатага ўражаю бахчавых загадзя. Сёлета яго варта чакаць раней, чым звычайна. Засухаўстойлівыя і цеплалюбівыя кавуны і дыні пры тэмпературы у плюс 30 трапляюць у натуральнае асяроддзе. Але нават гэтых паўднёвых гасцей на градцы трэба паліваць дадаткова - раз на 7-10 дзён. А вось холадалюбівым баклажанам, агуркам і капусце даводзіцца няпроста нават з дадатковым палівам. У гарачых рэаліях неабходна і дадатковае ўдабрэнне глебы. Карысныя фосфар, азот і калій выпараюцца пры плюс 29.

Гарачае лета дабавіла працы аграметэаролагам - спецыялістам па вывучэнні клімату і яго ўплыву на пасевы. Акрамя працы на метэастанцыях, яны выязджаюць на поле - бяруць пробы глебы, замяраюць вільготнасць, фіксуюць якасць паспявання пладоў.

Атрыманую інфармацыю захоўваюць у базе даных. З яе дапамогай можна прааналізаваць і параўнаць шматгадовыя значэнні. А таксама зразумець, якім будзе ўраджай падчас анамалій надвор'я.

Але ў рэкордным плюсе - не толькі мінусы. Азімыя культуры - а гэта жыта, пшаніца і трыцікале - засуху пераносяць больш лёгка. Каласы наліваюцца - у іх цяпер актыўны перыяд васковага паспявання.