Прамысловыя прадпрыемствы Беларусі і Казахстана маюць намер падпісаць буйныя кантракты

Беларускія прадпрыемствы маюць намер умацаваць узаемадзеянне з казахстанскімі калегамі. Аб гэтым напярэдадні гаварылі падчас наведвання прэм'ер-міністрам Беларусі Раманам Галоўчанкам буйных прадпрыемстваў Казахстана.

Для беларускіх вытворцаў казахстанскі рынак - ёмісты і цікавы. Сельгасугоддзі маюць патрэбу не толькі ў нашых трактарах, а яшчэ камбайнах, сеялках, корманарыхтоўчых машынах. У прыватнасці, холдынг "Бобруйскаграмаш" плануе папоўніць скарбонку сумесных кантрактаў з казахстанскім дылерам па пастаўцы машынакамплектаў на $ 1 млн.

Візіт прэм'ер-міністра Беларусі ў Казахстан прадоўжыцца яшчэ 2 дні. Акрамя наведвання некаторых прадпрыемстваў, Раман Галоўчанка сустрэнецца з прэзідэнтам Казахстана Касым-Жамартам Такаевым. Таксама пройдуць перамовы ў пашыраным складзе з прэм'ер-міністрам Казахстана Аскарам Маміным. Запланавана падпісанне двухбаковых дакументаў.