Развіццё сацыяльных і эканамічных праектаў Пухавіцкага раёна разгледзела кіраўніцтва Мінскай вобласці

Менавіта тут знаходзіцца адзін са сталічных гарадоў-спадарожнікаў - Рудзенск, а побач і заводы Беларускай нацыянальнай біятэхналагічнай карпарацыі.

У якасці пляцоўкі для абмеркавання выбралі пасёлак Дружны, дзе зараз будуюць дзіцячы сад. У яго ўзвядзенне ўнеслі свой уклад як госці - прадстаўнікі Мінскага аблвыканкама, так і мясцовыя прадпрымальнікі. Яны працавалі на заліванні бетону. Акцыю прымеркавалі да 30-годдзя фарміравання прыватнага сектара Беларусі.

Удзельнікі наведалі бізнес-інкубатар у горадзе-спадарожніку Рудзенску. Дзякуючы льготным умовам адкрыць сваю справу тут значна прасцей і для гэтага неабавязкова ехаць у сталіцу. Патэнцыял малога бізнесу разглядаецца і для стварэння сумесных праектаў з буйнымі прамысловымі прадпрыемствамі Мінскай вобласці.

Аналагічныя працоўныя акцыі прайшлі ва ўсіх рэгіёнах. Нагадаем, у Мінскай вобласці сёння працуюць больш за 60 тысяч прадпрымальнікаў.