Рэабілітацыю пасля COVID-19 прапаноўваюць беларускія санаторыі

Лячэбны масаж, спелеатэрапія і бурштынавы пакой. Гэтыя і іншыя працэдуры прапаноўваюць беларускія здраўніцы для рэабілітацыі пасля каранавіруса. Спецыяльныя праграмы распрацаваныя больш як у 70-ці санаторыях. У залежнасці ад сімптомаў прызначаюць ароматэрапію ў васковым пакоі, біяптрон, фітагарбаты. Таксама ў раскладзе - аквапрацэдуры і азонатэрапія.

У сярэднім рэабілітацыя разлічана на два тыдні. Пры гэтым праграму індывідуальна карэкціруюць пад кожнага пацыента. Дарэчы, папраўляюцца ў нашых санаторыях не толькі беларусы - на лячэбны адпачынак прыязджаюць з Расіі, Польшчы, Германіі і іншых краін.