Рэкордная колькасць удзельнікаў сабралася ў шосты дзень перадкастынгу X-Factor Belarus

Шосты дзень перадкастынгу на X-Factor Belarus у першую гадзіну праслухоўвання сабраў чаргу з сотні чалавек! Рэгістрацыя не спынялася ні на хвіліну.

Арганізатары паведамілі, што пасля абвяшчэння чацвёркі медыйных настаўнікаў (а гэта Вольга Бузава, Сяргей Саседаў, Руслан Аляхно і Сярога) колькасць заявак павялічылася на тысячу! У жніўні настаўнікі пачуюць 300 самых яркіх удзельнікаў перадкастынгу. Марафон праслухоўванняў працягваецца, сёння большая частка ахвочых (школьнікі і студэнты творчых ВНУ) выступіць перад зорным журы. Свае таленты паказалі будаўнікі, грузчыкі і работнікі беларускіх банкаў.

Пакуль артысты са стажам правяралі вакальныя таленты, рэдактары каманды X-Factor вывучалі біяграфіі ўдзельнікаў у фармаце дыялогу. Для драматычных момантаў адвялі і спецыяльны пакой "інтэрв'ю".

Да канца праслухоўванняў застаецца тры дні. У пятніцу ва ўсіх ахвочых будзе апошняя магчымасць заявіць аб сабе і пакінуць сваё відэавыступленне арганізатарам шоу. Прыйсці ў малую залу КЗ "Мінск" можна без анлайн-рэгістрацыі - прапаноўваюць запоўніць анкету на месцы. Выніковы спіс удзельнікаў шоу вызначаць да жніўня.