Рэспубліканскі апошні званок у гэтыя хвіліны прымае Маладзечна

Свята аб'яднала паўтары тысячы выпускнікоў з усёй краіны. Гэта выдатнікі вучобы і пераможцы алімпіяд, юныя распрацоўшчыкі і перспектыўныя спартсмены. Прысутнічаюць на ўрачыстасці і ганаровыя госці. Сімвалічна ў Год гістарычнай памяці ўсе разам усклалі кветкі да помніка загінуўшым воінам у парку Перамогі. А затым дружна, вялікай калонай прайшлі па Магістральнай вуліцы. Павітаць і павіншаваць выпускнікоў прыйшлі малодшыя школьнікі, настаўнікі, а таксама жыхары Маладзечна. А падчас урачыстай лінейкі ўзнагародзілі лепшых выпускнікоў.

Віншавальны нон-стоп працягнецца да позняга вечара: фарбаў апошняму званку дадасць феерверк.