Рэспубліканскае свята "Дзень адкрытых дарог" стартавала ў Беларусі

Маштабнае свята з нагоды 85-годдзя ДАІ ўжо стартавала. Запрацавалі інтэрактыўныя пляцоўкі для дзяцей і дарослых. Самая буйная з іх – каля Палаца спорту ў Мінску. А 16-й гадзіне тут чакаецца парад. Гледачы ўбачаць рэтра- і сучасныя аўто дарожнай міліцыі. Таксама стэнды з тэхнікай падрыхтавалі МНС і ўнутраныя войскі. Увечары гасцей чакае вялікі святочны канцэрт.

Урачыстасці сёння праходзяць у Мінску, Гомелі, Гродне, Віцебску, Брэсце, Маладзечне, Александрыі. Перасовачныя тэлестанцыі Белтэлерадыёкампаніі забяспечаць відэамост паміж гарадамі, там жа працуюць карэспандэнты АТН. Пра самыя яркія моманты свята раскажам у "Панараме".