Расійскае консульства адкрылася ў Гродне

Сёння ў Гродне адкрылася Генконсульства Расіі. Урачыстая цырымонія адбылася ў юбілейную, 30-ю гадавіну ўсталявання дыпадносін паміж дзвюма краінамі. У рэгіёна даўнія эканамічныя сувязі з Расіяй. Паўгода таму ў Гродне адбыўся IX Форум рэгіёнаў Беларусі і Расіі, на якім былі заключаны кантракты на рэкордную суму (каля мільярда долараў). Адкрыццё дыппрадстаўніцтва будзе спрыяць умацаванню і развіццю ўзаемавыгаднага партнёрства.

У будынку консульства завяршаюцца работы па тэхнічным абсталяванні. І пакуль усе паслугі будуць аказвацца вахтавым метадам у фармаце выязных консульскіх прыёмаў.