Рух МААП аб'яднаў каля 400 хлопцаў і дзяўчат з усёй Беларусі

У Мінску Рэспубліканскі сход маладзёжных атрадаў аховы правапарадку аб'яднаў каля 400 хлопцаў і дзяўчат з усёй краіны. Гэта студэнты ВНУ і моладзь, якая працуе.

Пад дэвізам "Мужнасць. Адказнасць. Айчына. Патрыятызм" па ўсёй краіне аб'ядноўваюцца тысячы хлопцаў і дзяўчат, якія актыўна ўдзельнічаюць у руху маладзёжных атрадаў аховы правапарадку, скарочана - МААП. Сёння гэтых юных байцоў, а іх тут каля 400, аб'яднаў рэспубліканскі сход. Праграма яго разнастайная. Яна ўключае не толькі адукацыйныя, але і культурныя мерапрыемствы - інтэрактыўныя пляцоўкі, выстава ваеннай зброі, прагляд дакументальных фільмаў, узнагароджанне лепшых байцоў МААП. А таксама для ўдзельнікаў правядуць практычныя заняткі па агнявой, тактычнай падрыхтоўцы і па рукапашным баі.

Ужо на наступным тыдні яны сумесна з праваахоўнымі органамі будуць сачыць за бяспекай важнай палітычнай падзеі нашай краіны - выбары Прэзідэнта Беларусі. Яны будуць працаваць як у дні датэрміновага, так і ў асноўны дзень галасавання - 26 студзеня. І самі ў любы дзень зробяць свой выбар.