Кіраўніцтва і супрацоўнікі НАК усклалі кветкі да мемарыяльнага комплексу "Масюкоўшчына"

Спартыўная грамадскасць Беларусі заўсёды высока шанавала ўклад нашага народа ў перамогу над фашызмам. Кіраўніцтва і супрацоўнікі Нацыянальнага алімпійскага камітэта сёння ўшанавалі памяць загінуўшых у гады акупацыі, усклалі кветкі да мемарыяльнага комплексу "Масюкоўшчына", на месцы якога ў гады Вялікай Айчыннай вайны было забіта 80 тысяч салдат і афіцэраў, якія трапілі ў палон, а таксама мірных жыхароў, сагнаных у лагер з Мінска і навакольных вёсак.

Нацыянальны алімпійскі камітэт пастаянна праводзіць тэматычныя акцыі. Не стаў выключэннем і марафон культурна-спартыўнага фестывалю "Вытокі. Шлях да Алімпу", які падхопіць заўтра горад Глыбокае, запланаваны і памятныя мерапрыемствы.