Самую працяглую лыжную трасу ў Мінску рыхтуюць у Вяснянцы

Да зімовага сезона ў беларускай сталіцы плануюць абуладкаваць 14 лыжных трас. Самую доўгую - у Вяснянцы - пачалі рыхтаваць з першым подыхам халадоў. Яе працягласць 5 км. Пакуль заснежылі крыху больш за кіламетр. Ахвотнікі пакатацца з'явіліся адразу ж.

Далейшая падрыхтоўка лыжных трас пачнецца, калі слупок тэрмометра пратрымаецца на адзнацы мінус 10 хаця б трое сутак. Снегам накрыюць астатнюю частку ў Вяснянцы. Далей пачнуць добраўпарадкаванне лыжаролернай трасы Заводскага раёна.