Санкт-Пецярбург зацікаўлены ў набыцці тэхнікі "Амкадор"

Санкт-Пецярбург зацікаўлены ў супрацоўніцтве з беларускімі машынабудаўнікамі і набыцці шматфункцыянальнай камунальнай тэхнікі. Пра гэта сёння заявіў старшыня заканадаўчага сходу Пецярбурга Аляксандр Бельскі падчас наведвання завода "Амкадор". Госці з Паўночнай сталіцы Расіі змаглі ўбачыць мадэлі дарожна-будаўнічай, камунальнай, сельскагаспадарчай тэхнікі.

Асаблівая цікавасць і да навінак холдынгу - а гэта, напрыклад, бульдозер і экскаватар. Сам жа Аляксандр Бельскі асабіста ацаніў і адзін з найноўшых харвестэраў. Па словах кіраўніцтва холдынгу "Амкадор", беларускія і расійскія машынабудаўнічыя прадпрыемствы сёння ўсё больш збліжаюцца і ў прамысловай кааперацыі.

І сёння ж дэлегацыя з Пецярбурга наведае Мінскі аўтазавод. Супрацоўніцтва з гэтым прадпрыемствам выніковае. Так, у планах на гэты год паставіць у Паўночную сталіцу Расіі 900 камфартабельных аўтобусаў МАЗ.