7 красавіка ў праваслаўных Дабравешчанне

У праваслаўных сёння Дабравешчанне. У адно з вялікіх святаў хрысціянскага календара ўспамінаюць евангельскую падзею - з'яўленне Прасвятой Дзеве Марыі Архангела Гаўрыіла з весткай аб яе прызначэнні стаць маці Хрыста. Дабравешчанне адзначаюць з VII стагоддзя.

Дата свята нязменная - кожны год яно адзначаецца 7 красавіка. Свята выпадае на Вялікі пост, але ў гэты дзень для вернікаў ёсць паслабленні.