Шквалісты вецер парушыў электразабеспячэнне ў 27 населеных пунктах Гродзенскай вобласці
Аўтар:Рэдакцыя news.by
У пяці раёнах Гродзенскай вобласці ліквідуюць наступствы непагадзі. Пасля моцных ліўняў і шквалістага ветру было парушана электразабеспячэнне ў 27 населеных пунктах рэгіёна.

Больш за ўсё пацярпелі Гродзенскі, Лідскі, Воранаўскі, Іўеўскі і Смаргонскі раёны. У апошнім уведзены асаблівы рэжым работы, паведамілі ў РУП "Гроднаэнерга". Больш за 30 аператыўна-выяздных брыгад займаюцца аднаўленчымі работамі.







