Што зменіцца з 1 сакавіка 2025 года ў Беларусі

На календары 1 сакавіка. А гэта значыць, што ў Беларусі традыцыйна ўступае ў сілу шэраг навацый. Змяненні ў большай ступені закрануць грамадзян (напрыклад, новы рэйс у ААЭ або саюзны роўмінг), але ёсць і тое, што датычыцца бізнесу.

Змяненні ў ацэнцы крэдытаздольнасці

Банкі, лізінгавыя і мікрафінансавыя арганізацыі з сённяшняга дня пры ацэнцы крэдытаздольнасці кліентаў павінны абапірацца на адзіныя падыходы. Іх вызначыў Нацбанк, каб абараніць правы спажыўцоў і не дапускаць празмернай пазыковай нагрузкі на грамадзян.

Надбаўкі для медработнікаў са сярэдняй спецыяльнай адукацыяй

Яшчэ адна чаканая навіна - для спецыялістаў са сярэдняй спецыяльнай медыцынскай адукацыяй. Для іх павышаны надбаўкі на 10 % ад акладу. Наступнае павышэнне адбудзецца 1 верасня, а з 1 снежня гэтыя выплаты паднімуць адразу на 15 %.

Такім чынам агульнае павышэнне надбавак медперсаналу сярэдняга звяна да канца года складзе 35 % ад акладу. Але выніковая сума даплат у кожнага свая, і яна залежыць ад профілю спецыяліста.

Ювелірныя ўпрыгажэнні можна прадаваць у інтэрнэце

З 1 сакавіка ў Беларусі дазволены гандаль ювелірнымі вырабамі праз інтэрнэт-магазіны. Займацца гэтым могуць толькі ліцэнзаваныя юрасобы і ІП. Пры гэтым прадукцыя павінна быць беларускай вытворчасці і маркіраваная кодамі ідэнтыфікацыі.