У слуцкай Галерэі мастацтваў прэзентавалі выставачны праект "Плады зямлі"

Раскоша і прыгажосць беларускіх лясоў і квітнеючых садоў дэманструюцца ў выставачным праекце "Плады зямлі".

Больш за 30 жывапісных работ прывезлі ў слуцкую Галерэю мастацтваў з фондаў Нацыянальнага мастацкага музея Беларусі. У звычайных яблыках, грушах, вішнях і гарбузах беларускія класікі здолелі знайсці матывы для творчасці і эксперыменту, якія ўвасобіліся ў яркіх нацюрмортах і пейзажах. Экспазіцыя прысвечана пладам як вынікам працы чалавека, боскім дарам, сімвалам мудрасці, любові і радасці.

Выстава прымеркаваная да Года міру і стваральнай працы.