Служэнне Айчыне, Богу і людзям. Прэзентацыя кнігі пра подзвіг свяшчэннікаў прайшла ў Мінску

Кніга ўяўляе сабой 12 невялікіх гісторый жыцця праваслаўных свяшчэннікаў і манахаў.

Сёння ў Музеі гісторыі Вялікай Айчыннай вайны прэзентавалі кнігу "Воіны духу", прысвечаную подзвігу святароў у гады Вялікай Айчыннай. Гэта сумесны праект Беларускай праваслаўнай царквы і Беларускага тэлеграфнага агенцтва да 80-годдзя Вялікай Перамогі.

Кніга ўяўляе сабой 12 невялікіх гісторый жыцця праваслаўных святароў і манахаў. Яны Божым словам, а часта і са зброяй у руках, абаранялі Радзіму, свой народ на франтах і ў тылу, рызыкуючы сваім жыццём. А калі прыйшоў час, сталі адраджаць праваслаўе на зямлі Беларусі. Многія дэталі ў кнізе "Воіны духу" былі знойдзены школьнікамі і настаўнікамі. Пошукавая праца аб подзвігах духоўных асоб працягнецца і далей.