Снежны Мінск: ДАІ раіць зніжаць хуткасць

Зноў завіруха. Снег з самай раніцы накрывае сталіцу. З-за непагадзі магчымы збоі ў раскладзе руху гарадскога транспарту. Асабліва асцярожнымі ў такіх умовах надвор'я трэба быць вадзіцелям. ДАІ заклікае прытрымлівацца спакойнага стылю кіравання: зніжаць хуткасць, тармазіць загадзя і акуратна выконваць перастраенні і абгоны. Перад адпраўленнем у дарогу трэба ачысціць ад снегу элементы тармазной сістэмы і праверыць спраўнасць шклоачышчальнікаў.

Экіпажы ДАІ сталіцы на ўзмоцненым дзяжурстве. Інспектары у выпадку неабходнасці дапамагаюць аўтааматарам выбрацца з гурбаў або Зарадзіць акумулятар. Таму ў цяжкай сітуацыі за рулём варта звяртацца па нумары 102.