Саюз жанчын Белтэлерадыёкампаніі далучыўся да рэспубліканскай акцыі "Ад усёй душы"

Прадстаўнікі Белтэлерадыёкампаніі наведалі Чэрвеньскі псіханеўралагічны дом-інтэрнат для састарэлых і інвалідаў. Саюз жанчын БТ далучыўся да рэспубліканскай акцыі "Ад усёй душы". Дабрачынны праект ужо на працягу трох тыдняў дорыць людзям сталага ўзросту і тым, хто мае патрэбу ў асаблівай апецы, добры настрой, ўвагу і клопат. У Чэрвені міласэрныя ініцыятывы стартавалі з мерапрыемстваў у дзіцячым доме-інтэрнаце. А фіналам стала сённяшняе свята для дарослых і пажылых людзей. Для іх была падрыхтавана душэўная канцэртная праграма з удзелам мясцовых артыстаў.

Сёння ва ўтульных пакоях інтэрната пражываюць 285 чалавек. Ва ўстанове для іх дзейнічаюць гурткі па інтарэсах і творчыя секцыі, працоўныя майстэрні. У 2013 годзе на тэрыторыі інтэрната была пабудаваная царква.