Спецыялісты абследуюць згарэлы храм у Будславе

У касцёле Будслава, дзе ў аўторак адбыўся пажар, пачалося абследаванне. Зараз ідзе расчыстка даху.

У найбліжэйшы час спецыялісты павінны накрыць участкі даху, які абваліўся, брызентам, каб праліўныя дажджы не разбуралі будынак святыні. Каб гэта зрабіць, трэба вывучыць стан сцен і зразумець, наколькі моцную шкоду агонь прычыніў помніку архітэктуры. У разборы завалаў удзельнічаюць валанцёры, а ў інтэрнэце з'явіліся заклікі хутчэй пачаць аднаўленне храма, у тым ліку народнымі сіламі. Некаторыя нават паспяшаліся аб'явіць набор добраахвотнікаў-рэканструктараў. Спецыялісты ж заклікаюць не прымаць паспешлівых рашэнняў: самавольны непрафесійны рамонт можа нашкодзіць гістарычнаму будынку.

Як ратавалі святыню і што зараз адбываецца ў храме? Асаблівасці тушэння касцёла і найбліжэйшыя планы на рэканструкцыю. Больш падрабязна пра гэта раскажам у нядзелю ў "Галоўным эфіры" на "Беларусь 1".