Сплавы на байдарках і велападарожжы. Турыстычныя маршруты па Нарачы прапануюць у новым фармаце

Турыстычныя маршруты Мядзельскага раёна ў новым фармаце. Даследаваць Нарачанскі край прапаноўваюць з вады - арганізоўваюць сплавы на байдарках, а таксама велападарожжы па гістарычных мясцінах. А спыніцца можна і на гарадскіх пляжах. Іх падрыхтавалі да сезона. Юлія Токар адправілася за паўтары сотні кіламетраў ад сталіцы і праклала свой экскурсійны шлях.

Так геалакацыя аграсядзібы і падказала, якой будзе фішка сямейнага бізнесу Гладкіх. Сёння па Узлянцы на байдарках сплаўляюцца не толькі сяброўскія кампаніі - прыязджаюць на карпаратывы. Прычым, тут прапаноўваюць не проста воднае падарожжа - экскурсію. Яе ахвотна праводзіць сын гаспадара.

Пазнаёміцца з пейзажамі і гісторыяй Мядзельскага раёна можна і падчас велападарожжа. Двухколы транспарт прадастаўляюць адпачывальнікам гарадскога гасцінічнага комплексу.

Тут бадай на кожным кіламетры гасцей чакаюць гістарычныя скарбы і рарытэты. Спыняемся на вуліцы Міра - ля касцёла Маці Божай Шкаплернай. Храм прываблівае не толькі сваёй архітэктурнай адметнасцю.

У такую спякоту цэнтр прыцягнення, вядома, гарадскі пляж. Купальны сезон ужо распачаўся - тэмпература вады больш за 20 градусаў. А рэлакс-зону да сезона абнавілі. Больш стала дзіцячых пляцовак. Добраўпарадкавалі альтанкі, давезлі пясок. І з самай раніцы мы бачым ужо шмат адпачываючых.

Водныя працэдуры, дайвінг, падводнае паляванне - далёка не ўвесь спіс насычанага адпачынку на беразе возера Мястра. Асобны каларыт - у гастранамічнага турызму. Госці маюць магчымасць пакаштаваць і беларускія далікатэсы - запечанага вугра. Гэтай цар-рыбе на набярэжнай усталяваны нават арт-аб’ект.