Стартаваў злёт юных ратавальнікаў-пажарных з усёй краіны

На базе дзіцячага цэнтра "Зубраня" стартаваў злёт самых юных і актыўных прадстаўнікоў маладзёжнага руху МНС. Звыш 200 удзельнікаў з васьмі абласцей на працягу двух тыдняў будуць спаборнічаць у вогненных дысцыплінах - тушэннях пажараў, уменні аказваць дапамогу пацярпелым. Прадэманструюць свае інтэлектуальныя здольнасці і пакажуць клас страявой падрыхтоўкі: маршы, песні і выкананне каманд.

Злёт юных ратавальнікаў - у лагеры "Зубраня" праходзіць 25 раз. Звыш 30 тысяч юнакоў і дзяўчат за гэты час прайшлі інтэрактыўную школу пажарнага. Пяць соцень з іх выбралі няпростую, але вельмі патрэбную работу сваёй прафесіяй.