Стартавала рэспубліканская акцыя "Беларусь памятае. Памятаем кожнага"

Беларусь мірная краіна, мы ніколі не забудзем подзвіг нашага народа. Такія словы сёння гучалі каля манумента "Танк-вызваліцель". У краіне стартавала рэспубліканская акцыя "Беларусь памятае. Памятаем кожнага". Кіраўніцтва і работнікі Упраўлення справамі Прэзідэнта Беларусі ў цэнтры Мінска ўшанавалі памяць воінаў-вызваліцеляў. Вянкі і кветкі ўсклалі да помніка ў гонар танкістаў, якія першымі ўступілі ў Мінск у ліпені 1944.

Акцыя "Беларусь памятае. Памятаем кожнага" праходзіць у Беларусі як даніна памяці подзвігам і лёсам тых, хто зрабіў свой уклад у вызваленне краіны і Вялікую Перамогу. Гэтымі днямі да ўсіх помнікаў воінскай славы і пахаванняў ахвяр Вялікай Айчыннай вайны ўскладуць вянкі і кветкі. Да руху можа далучыцца кожны. Урачыстыя цырымоніі праходзяць па ўсёй Беларусі.