Сталічныя холадакамбінаты павялічылі выпуск марожанага

Мінчане сталі больш спажываць халоднага ласунку (за дзень часам з'ядаюць 60 тон!), а прадпрыемствы павялічылі яго выпуск. У спякотны перыяд холадакамбінат за дзве змены вырабляе да 40 тон марожанага. Класіка - пламбір, эскімо, ражок, брыкет. Але летам узрастае попыт на фруктовы лёд - пладова-ягаднае марожанае з кісла-яблычным смакам. Акрамя гэтага, штогод на пачатку сезона холадакамбінат пашырае лінейку прадукцыі. Адметны смак сёлетнім навінкам надае какос, ён прысутнічае і ў глазуры. У складзе толькі натуральныя прадукты.