Студэнты сельгасатрадаў дапамагаюць аграрыям падчас жніва

У Дзяржынскім раёне Мінскай вобласці да хлебаробаў АПК "Фалько-Агра" далучыўся атрад Беларускага аграрнага тэхнічнага універсітэта. Гэта будучыя інжынеры-механікі і электрыкі. У гаспадарцы яны адказныя за транспарціроўку саломы, рамонт тэхнікі, падрыхтоўку зернесушыльных комплексаў. Некаторыя маладыя людзі будуць працаваць у тандэме з камбайнерамі. Хутка экіпажы адправяцца ў палі збіраць азімы ячмень.

У аграпрамысловым комплексе студатрады будуць працаваць да кастрычніка. Так маладыя людзі аб'яднаюць летнюю працу і практыку. Для некаторых часовае месца працы стане пастаянным пасля заканчэння ВНУ.