Сумарны ўрон Беларусі ад нямецка-фашысцкай акупацыі склаў 2,3 трлн долараў

Вайна - гэта час суровых выпрабаванняў для беларускага народа. Варожая акупацыя практычна цалкам абяскровіла індустрыяльную базу краіны.

У Германію літаральна вагонамі вывозілі сыравіну, тавары і культурныя каштоўнасці. Прамы матэрыяльны ўрон, нанесены Беларусі, вылічаецца 75 млрд беларускіх рублёў (гэта ў цэнах 1941 года), што ў 35 разоў перавышала бюджэт рэспублікі ў 1940-м.

У незалежнай Беларусі Міжведамасная рабочая група правяла вялікую работу. Высветлілася, што сумарны ўрон перавысіў 2,3 трлн долараў (або больш за 43,5 тыс. т золата). Лічбы вялізныя, але не фінальныя. Расследаванне працягваецца, а новыя факты ўсплываюць дагэтуль.

На тэрыторыі Беларусі нямецкія захопнікі спалілі, разбурылі і разрабавалі 209 з 270 гарадоў і раённых цэнтраў. На 80-90 % былі разбураны Мінск, Гомель і Віцебск. Пасля страшных выпрабаванняў многія беларусы засталіся літаральна без даху над галавой. За гады вайны было разбурана і знішчана больш за 360 тыс. дамоў, што складала каля 60 % усяго жыллёвага фонду.